Um Netskólann

Netskólinn er íslenskt náms- og kennslusamfélag á netinu

Í Netskólanum geta skólar, fyrirtæki eða stofnanir komið sér fyrir á vefnum haldið úti vef og boðið notendum sínum að útbúa eigin vefsíður og sækja sér menntun, ýmist upp á eigin spýtur á námskeiðum sem eru án reglulegrar kennslu, eða á námskeiðum sem kennarar hafa umsjón með og stjórna. Námskeiðin eða námið geta verið að öllu leyti á netinu eða sem stuðningur við hefðbundið nám. Netskólinn er íslensk hönnun og hefur frá upphafi verið mikil áhersla lögð á að hanna námsumhverfið á þann hátt að það sé í senn sveigjanlegt og notendavænt.

Það er mjög einfalt að færa efni inn í kerfi netskólans, ýmist til að nota í vefumsjónarkerfi eða í sjálfu námsumhverfinu.

Kjarnahugbúnaður Netskólans hentar á öllum skólastigum.

Öflug samskiptakerfi

Samskiptakerfi Netskólans er einn af grunnþáttum þess, notast er við samskiptamáta eins og innan-kerfis póst sem er notaður til að senda tilkynningar og áminningar t.d. til nemenda að svara skilaverkefnum. Umræðuþræðir í netskólanum eru byggðir þannig upp að kennarar geta á einfaldan hátt séð virki nemenda. Rauntímaspjall er notað til að nemendur og kennarar geti skiptst á upplýsingum í rauntíma. Að lokum er tölvupóstur notaður til að senda upplýsingar úr úr kerfinu.

Vopnabúr hins netvædda kennara

Það má segja að Netskólinn búi yfir vopnabúri fyrir hinn netvædda kennara. Einfalt er að stofna námskeið og taka við skráningum. Námskeiði er skipt upp í efnisþætti og síðan eru þau kennslu- og samskiptatæki sem henta valin. Á meðal þess sem er hægt að gera er að leggja fyrir verkefni og skilaverkefni, setja inn glærusýningar, hljóðskrár eða myndbönd. Einnig er hægt að leggja fyrir kannanir, setja inn gagnlegar vefslóðir, skýringar á hugtökum og safna efni í spurningabanka.

Vefumsjónarkerfi

Vefumsjónarkerfi netskólans er óháð námsumhverfinu, þar geta umsjónarmenn skóla sett inn efni t.d. upplýsingar fyrir gesti, skrifað fréttir og greinar og birt lista yfir námsframboð. Mjög einfalt er að viðhalda efni í vefumsjónarkerfinu, því í kerfinu er öflugt vefbundið ritvinnsluforrit sem virkar í Internet Explorer og Firefox.

Í vefumsjónarkerfinu er einnig hægt að skrá skólanámskrá sem er síðan hægt að tengja við námsgreinar í Netskólanum, setja inn myndir á myndasíður auk fleiri möguleika.

Hverjir nota Netskólann?

Hönnun Netskólans hefur tekið um það bil eitt og hálft ár. Á þeim tíma hefur mikil þróunarvinna farið fram, til dæmis voru nokkur námskeið i Kennaraháskóla Íslands kennd í kerfinu á síðustu vorönn. Einnig hefur Netskólinn verið notaður til að kenna íslenskum börnum sem eru búsett erlendis íslensku og hefur það gefið ágæta raun.

Spurt og svarað

Hvernig lítur dæmigerður Netskóli út?

Það er mjög mismunandi og fer eftir þörfum hvers og eins, því þær eru mismunandi t.d. eftir skólastigi. Hver skóli ræður yfir og getur viðhaldið útlitinu á vefnum sínum, auk þess að hafa kost á að stilla fleiri valkosti sem auka sveigjanleika kerfisins til muna.

Hvernig getur skólinn minn fengið sinn Netskóla?

Með því að hafa samband með því að senda okkur tölvupóst, til arni@netskoli.is.

Er hægt að lesa nemendaskrá skólans míns inn í kerfið?

Já það er einfalt mál, þá þurfa nemendurnir ekki að skrá sig sjálfir og í framhaldinu er hægt að skrá nemendur í bekki ef það hentar.

Geta allir notendur netskólans búið til sína eigin heimasíðu í kerfinu?

Já það er rétt, þeir geta hlaðið inn myndum eða öðrum skrám úr tölvunni sinni og búið til myndaalbúm, bloggað og búið til vefsíður með netRitli netskólans. Að auki geta þeir svo vísað öðrum beint inn á síðuna sína með því að gefa upp vefslóð sem er t.d. www.netskoli.is/arnib

Er eitthvað meira efni til ef ég vill kynna mér netskólann betur?

Já hér í vefumsjónarkerfinu eru fleiri síður sem útskýra möguleikana, verð og þess háttar. Hafðu líka endilega samband ef þú hefur áhuga á að fá kynningu á kerfinu.

[Valid RSS]