Netskólinn er íslenskt náms- og kennslusamfélag sem fyrirtæki, stofnanir, skólar og einstaklingar geta nýtt sér. Netskólakerfið er hlaðið verkfærum fyrir kennara, umsjónarmenn og nemendur. Kennarar geta útbúið námskeið og sett inn eða útbúið margskonar námsefni. Innbyggt í kerfið eru leiðsagnarforrit til að útbúa t.d. skilaverkefni, hópverkefni, próf og spurningaleiki. Kennarar hafa að sjálfsögðu einnig aðgang að verkfærum eins og hugtakasafni, tenglasafni og umræðuþráðum.
Ef hópur notenda (nemenda eða kennara) vill vinna að ákveðnu viðfangsefni í kerfinu er hægt að útbúa undirvef, sem er jafnvel hægt að læsa svo aðeins ákveðnir notendur geti skoðað hann og sett inn efni. Hægt er að útbúa vefi eins og bekkjarvef, hópvef, verkefnavef og klúbbvef. Skólar geta á einfaldan hátt sett skólanámskrá inn í kerfið og tengt hana við námskeið.
Umsjónarmenn hafa aðgang til að breyta útliti kerfisins, virkja þá möguleika sem henta og setja inn efni á forsíðu og skólasíðu. Umsjónarmenn hafa einnig aðgang að verkfærum eins og fréttakerfi, myndaalbúmum, umræðuþráðum og fleira.
Efniseiningar eru litlar vefeiningar sem er hægt að raða á síðu og aðlaga svo eins og hverjum hentar.
Nemendur geta að sjálfsögðu skráð sig í skólann og unnið verkefni auk þess að setja upp sína eigin heimasíðu, sem hefur notið mikilla vinsælda.

Íslenskuskólinn er stærsti skólinn sem notar Netskólakerfið, í honum eru um 1100 nemendum í 50 löndum, um allan heim.
Ef þú hefur áhuga á að vita meira um Netskólann skaltu endilega hafa samband með því að senda okkur tölvupóst.