Á námskeiðinu er fjallað um að hverju nemendur þurfa að huga ef tölvan hans er sítengd við netið. Það er fjallað sérstaklega um skuggahliðar netsins og hvernig er hægt að minnka líkurnar á því að óæskilegt efni komist í tölvuna af netinu þ.m.t. spyware, adware, vírusar og ruslpóstur. Einnig er bent á forrit sem er hægt að nota til að finna og hreinsa út óæskilegt efni úr tölvunni.

Útskýrt er mikilvægi þess að uppfæra stýrikerfi tölvunnar og um almennt viðhald og afritunartöku.

Bent er á forrit og spilara sem er hægt að sækja á netið og er gott að hafa uppsett í tölvunni. Sérstaklega er fjallað um íbætur fyrir vafra, sem geta verið bæði gagnlegar og varasamar.

Að lokum er fjallað um öryggi t.d. mikilvægi þess að læsa þráðlausum netum og notkun á eldveggjum.

Markmiðið með námskeiðinu er að eftir að hafa skoðað efni þess sé nemandinn meðvitaðri um gagnsemi netsins og einnig hvað þarf að varast á því. Einnig er markmiðið að nemendur kunni að verja tölvur sínar sem best þannig að óæskilegt efni af netinu eigi ekki greiða leið inn í þær.